2020-Hüt
Afangs 2020 simer, nach Monate langer suechi, ine nöiä ruum züglet, yuhee. In Kehrsatz ufem schöne Buurehof vo Wälchlis heimer üs chönne iquartiere und wider afa Bierbrauä. Jetzt heimer näbst dr Chüuzäuä und Chüä, füre Träber, o gnue Platz ka zum es biz grösser wärdä. Dr Stefan Wälchli hetsech sogar aus Produzent bi IG Mittulandmalz agmäudet und het aktuell (Stand 2022) 2x Braugärste about.
Aktuell Brauä mit mitere modifiziertä Polsinelli Easy 100
Endstation am Biermärit im Dählhölzli
2017-2019 Nöiä Ruum
Daheim isch dr Platz knapp worde und z’Bier isch o immer viu zschnäu wäg gsi und de heimer afa umeluege fürne dedizierte Braurum und ä grösseri alag. Per zuefau heimer vo paar Bärner Giele iri rudimentäri 80 Liter alag chöne abchoufä und de het nur no dr passend ruum müäsä gfunge wärdä.
Ändi 2017 heimer ner ider Zwüschenutzig vom Altersheim Tilia ir Elfenau es Rümli gfunge, wo für dä nächst schritt perfekt isch gsi.
Mir hei wie wiud verschidnigi Bierstile usprobiert und die Rezept wo uf dr chline alag guet si gsi o mau uf dr grosse gmacht.
Gnue Platz um au sache chli g’ordnet chöne z’lagere.
Endstation z’erste mau am ZAPF!
Photo: Simon Fässler
2016-2017 Dr Afang
Aues het ändi 2016 mit paar Bierli ider Wohnig vom Fäbu agfange. Das Bierbraukit woner scho x Jahr het ka isch mau brucht worde und das Bier isch, für das wos isch gsi, nidmau so schlächt gsi und hei när dänkt es wär no geil no meh vo däm z’mache. So heimer üs wie Studis – wo 2 Täg vordä Prüäfige dr Stoff tüä aluege – i das ganze igläsä und informiert. Da mir beidi no die „Hands-on“ erfahrig hei wöuä ha simer doch churzerhand uf Thun zum Pädu vo Mousse de Thoune es Bier ga brauä und au üsi offnige Frage ga steuä.
Drufabä heimer aues zämägsuecht womer bruche, damitmer ider Chuchi vom Ändu oder Fäbu cha braut wärdä. So hets aubä usgse.
